سُبْحَانَ اللَّهِ وَبِحَمْدِهِ سُبْحَانَ اللَّه الْعَظِيم

يالعين توبي عالقديم

يالعين توبي عالقديم وخلك امعاي واتبعيني عالجديد اندلك
غزير اهدوبــــــــــــــــــه توبي عليه وعن جراير صوبه
وين عورجت في النص بيك ادروبه عدًيه في عدد م الوقت ماحاصلًك
وخلًيه في ضلالاته اذنوبه دوبه وانت بأجر تجًازى ويسجًلك
بالك مع رايي اتجينا توبه على صوب سيوره ان طال يهلك

عالقديم ونـــــــــــــــاره وعلى عمر عدًا في رجاه اخساره
مرهون حر في رايه و فاللي داره ونا حر فيك ما انريد انضًلك
سحبتي معاه خذاك في تياره يضًمك امعاه وفي خفاء يفتلًك
نين وقعك وقتاً عدل منظاره وناض ايتمسًح ما برم في ظلًك
لا عاد تمشي في جلاوي داره ستين الف مرة قبلها قايلك

عاالي اغني خلاًنــــــــا الصبر خير يا عيني افداء لغلانا
وبالك ايجيبه يالعين زمانه واسًاع تشبريله شبر ما يفطنلك
قدًام الفريق وتحت من مولانا سلاك دين في مافات يشفي غلًك
وكان جاك نادم في العقاب امنانا بالله سامحيه افداء عيون بكنلك

عالقديم ابروحـــــــــــــه وعلى كل حاجة تذكره في السوحة
حتى معارفه قوليلهم مربوحة ولا عاد مراسيله تبي توصلًك
اتركك وين ما حمًن عليك اجروحه ودواك ودواهن صبر هذا حلًك

عالقــــــــــــديم وجرًه وعلى صوب خيره مااعرف من شرًه
وعلى كل حلوة في غلاه ومرًه وهوني اللي هاين اليوم معلًك
من يوما ابروحه من غلاك تبرا ليش تسمريبه كان هو خايلًك
يالعين مردودة عليك مضره تسكيبك على خاين مرض و يعلًك


إقرأ المزيد... Résumé3efrit blogger

اوهام الغالى بعد انسيت

اوهام الغالى بعد انسيت...عليهن جيت...اديارا ريت ...بكيت ولين اباكى اوعيت
جيت القيت امغير اوكار...اوهام اديار...خلأ مافيهن نافخ نار
بكيت ونا قولى صبار...بعد عازيت...عزاء مافى لنظار القيت
حدر ماقيهن كى لمطار ...ولا لاويت...ونا عاقل قولى خفيت
سناحات ايام اوهو جار...عليه بكيت...بعبرا عودانه شديت
مشيت ونا فى جوفى نار...بهن جازيت...اجروحه بوهذب امفاليت
بدى طيفه سافى الجرجار...ان كان غفيت...امعايا ميعاده فى البيت
انفز ونا شارد لفكار...اغطاى سفيت...امعاه ونا نايم صبيت
ابهت ليمين وليسار...لاحد ريت...بع تنهيت وجرى وتصنيت وتلفيت
انشاكى فى الطير اللى طار...هبيل ابقيت...الا غير جهامة ثميت
عزيز سقانى كأس امرام...ولو داويت دواء غيرا مافيش القيت
امجزينى كاحل لنضار...خلاص نهيت الحب وبيبانه سديت
**
جيت القيت اديار اولافى ...ايجن فى اصدافى...غير اوهام غطاهن سافى
جرجى نقض جد اريافى...بعد مشيت اشهور خديت ...ونا دمع وشوق وتنهيت
غالى كان سريبه خافى...به شاكيت...بعد كاميت بكيت وجيرانى بكيت
**
جيت الفيت امغير اديارا...سود انضارا...فيهن غير قطاة وحبارة
ولا ريم مشى يجارة...وين لفيت جفل منى راح زعاتيت
ولا جرت موقد ناره...شوره جيت...اسهيت ونا نمشى صبيت
وجا دمع اعيونى يظارا...لاكفيت...ادموعى ولا عزمى شديت
متباعد سافى جرجارا...بتوقيت ...مسافة3اشهور خديت
دونا رق وحيش غيارا...ولو قاجيت...اوصولى صاعب فيه القيت
بحت ايمينا ويسارا...ماحد ريت...ايدىه صفقت ورديت
**

الشاعر/القارح الجماعى


إقرأ المزيد... Résumé3efrit blogger

هيا شورهيا العين هيا شوره

هيا شورهيا العين هيا شوره .. العقل حاس وأختلطن عليه اموره..مشكاي قالك

يا العين ريد انعدّي ..العقل قالك غاية مناي او ودّي

متضايق ملاجي نين واصل حدي .. ما اهناك وين الريح تاخذ دوره

ما أهناك شي حاجه السر اتهدّي .. قول خاطري هالوقت فيت انظوره

أنجيه من خبر واجد و نا متكدّي .. و ثقل الجضر لاصق عليّ بزوره

إيخف وينما يده أتجي في يدّي .. و إيجلّي غشاواتي بفوح عطوره

ولساني الشاعث في اللهاه إيندّي .. و حلو الخبر يسهل عليه مروره

وبين ديه نضحك ضحكتي من جدّي .. و عنده جرب كبدي اتطيح قشوره

في عينه الريح معاي و الاّ ضدي .. نقراهن اقرا برّاج في بلوره

ويا العين لاعد م الطريق اتردي.. ماهن سوا رقو الجبل و احدوره

يا العين كيف الدوّه .. اللي ما مشيتي قاعده لا توا

عندي العقل مدكمس و حايس جوه .. واسق سماه و ضايقات أحبور

متحيّن علي بارق يفقس نوّا .. إيخلّي هوادين البراقي عوره

أخذيه نين كنيبه ابهاإيترا. شوفت اللي حالق عليه أخطوره

حتى من بعيد لبوجبين اضوّا..ايسد النظر للطير كيف نقوره

قدّامك علي نار الغلا يطوّا.. و ليل ونهار أمسمرك بسموره

يروف نين من حاله عليه عدوّه.. اللي كل ساعه كاترات شروره

وربيع الرجا يا ريت ياخذ سوا..علي ما جراله ما طرب لخضوره

يا العين راحي بينا .. و خفي علي لولاف لا تبطينا

ما أهناك شي عاقل يلوم علينا .. ان قلنا الجوله على اعزاز ضروره

كلام العرب بلحيل ما يعنينا.. تعتم يقول لها العين فجوره

انواروا اللوعه ما نهار نوينا.. قويه اتفنّص عينها مقروره

سوا عاد زينه كان و الاّ شينه .. أترفرف علي حبل العلل منشوره

ما يقول وين اللي الشمس بعينه .. و زومة الرعد في الغيم مي مستوره

حتى و الزمان ديار نازل فينا.. و عنده دمانا في الغلا مهدوره

ألاّنا و هي ع الصوب ما وانينا.. العين فيه بالضلعه اتجي مجروره

وهي كل يوم تقول يا ناسينا.. و كل دار فيها طالقه اثغبوره

يا العين علمي ضايق .. ودوج العرب يالاي ماني طايق

يقولك اللي مو من حساب عتايق ..الايام ع العدام امجبرات كسوره

أوحل في الزمان و دين هالخلايق .. اللي كل ساعه جايين بصوره

صغار النفوس اللي خياهم تايق .. ما يطعموا مسكين يوم عاشوره

أن قالوا كلام إيزيّفوا الحقايق ..و أصواتهم علي درب الظلال جهوره

واللي تمتسك منهم عليه سرايق.. فيهم ترفرف رايته منصوره

وهو دوم عالنهبه زناده سايق.. و ما أتفت منه غفل لا معقوره

والطيب إيلاقي في الطريق عوايق .. منهم و ديمه زلته منظوره

أن قصّر ألسنتم عليه طلايق .. و لا أن دار زينه عندهم مذكوره

وقول الحقيقه تم موعد لايق .. منّه عرب كيف الصيود نفوره

عندي العقل يدوي ما لوالي فايق .. و ان طوّل اسماه اللي خرج عن طوره

وبالك الا لا خير في اللي رايق .. بلا نار حمره ما تفوح بخوره

يا العين شور الغالي .. أخذي العقل كنيبه أسع يصفالي

علي شان كثرت هالدروب أقبالي ..إيغيّب عليّ و نا نريد حضوره

أبقيت لطرا الايام كي التسالي .. بينهن تقول إيطاوحن في كوره

ونا قبل كنت يكيد روز اثقالي .. فيهن و ديمه صابتي موفوره

ولا إيغرّبي فيهن بكا القبالي.. و شيل السراب و طرشقت لمهوره

وألتوّا يوازي في الخبر غربالي .. كلامي قليل و سيتي محجوره

ولا انعيب في عمي ولا في خالي .. ولا صاحبي نجرح نهار شعوره

امغير ما اقدرت اني انوسع بالي .. ان كبّرت السيه فيّ مي مغفوره

ولا اقدرت نشبه بالتحيل افعالي ..اللي بحيط لمحادف اتطيح تموره

الا يالعين عزيز موكي والي.. ومهما يدير نقول زينك دوره

للشاعر ارويعى الفاخرى


إقرأ المزيد... Résumé3efrit blogger

أجمل ماقيل في الشعر الشعبي

اوهام اولافي بعد انسيت.عليهن جيت.ادياره ريت.بكيت ولا ببكاي اوعيت
****** ****** ******
جيت القيت امغير اوكار.اوهام اديار.خلامافيهن نافخ نار

بكيت ونا قولي صبار.بعد عزيت عزا مافي لنظار القيت

حدر ماقيهن كي لمطار.ولا وليت.ونا عاقل قولي خفيت

سناحات ايام وهو جار.عليه بكيت.ابعبرا عودانه شديت

انفز وني شارد لفكار.اغطاي سفيت.امعاه ونا نايم صبيت

اناظر ليمين وليسار.ولاحد ريت.بعد تبحيت.وجري وتنصيت وتلفيت

مشيت ونا في جوفي نار.ابهن جازيت.اجروحا بوهدب امفاليت

انشاكي في الطير اللي طار.هبيل بقيت.الا غير جهامه تميت

عزيز سقاني كاس امرار.ولو داويت.دوا غيرا مافيش القيت

امجزيني كاحل لنظار.خلاص نهيت.الحب.وبيبانه سدت


إقرأ المزيد... Résumé3efrit blogger

ايش اديرله هلي عطيته ودك

ايش اديرله هلي عطيته ودك
وماحس بجروحك ابهزوة ردك


هلي عطيته حلمك
واعلن ابحربه وانت عالن سلمك
واري عليه الحن قوي ظلمك
وانسى اللي كانت امعاه تشدك
من يوما اجاهل سيبك ما علمك
استكثر عليه ابرخو لمسة يدك***

ايش اديرله هلي عطيته ودك
وماحس بجروحك ابهزوة ردك



هلي عطيته فرحك
وسبب احزانك ما اشقيبه جرحك
دير دوته بالعز علي صرحك
لااتلوم لااتحكي عليه بعدك
اتعلي مقاماته بكثرة شرحك
وتبقى حسبته وين درته ضدك
خلي مثيل الصفر ناتج طرحك
واصحى حنين الواردات ايردك****


ايش اديرله هلي عطيته ودك
وماحس بجروحك ابهزوة ردك

هلي علي تدليله
ناوي وما اتبي ادير بديله
عليك ايتغير بين يوم وليلة
وانت اتهاتي بالغلا من جدك
لااتبكي حذاه ابدمع لااتغنيله
وخلك ابصبرك من جفاه ايسدك****

ايش اديرله هلي عطيته ودك
وماحس بجروحك ابهزوة ردك



هلي نظر بالعين ما توميله
لجل الكرامة ما اتواطي خدك
البس الباس القسوكون مثيله
راه الحنان انكان زاد ايهدك ****


ايش اديرله هلي عطيته ودك
وماحس بجروحك ابهزوة ردك


الشاعر
""جمعة بوخبينه""


إقرأ المزيد... Résumé3efrit blogger

نبيها منك

نبيها منك.........ولا نصدق ماحكولى عنك
بالله صارحني
نبى الحقيقة......... إن طال سلكنا خوفي اتوه طريقه...
معاد عندي صبر في تدر يقه....ملكنى عليك الشك وين طرنك
الاشواق ملتهبه أتقول حريقه......وكاينهن الالالم مايعننك
تجاهل ردود الفعل نا ما نطيقه...ناوى معاك الحسم بين حنك
خشيت البحر وما عرفت غريقه.....غامرت مانبى نخيب ظنك
فيه فرق فى التغريب والتشريقه.....وانتا أحوال الطقس ما يغبنك

نبيها منك.........ولا نصدق ماحكولى عنك
بالله صارحني


نبيها بجد.......صراحه ومحبه عامره بالود
وحبل التواصل بينا ممتد.....وشوقي وعتابى وغيرتى بيجنك
ووعودنا وأحلامنا تشهد.....وبعد الشقا الأيام بى كافنك
تبقى وليفى وما شريك لحد.....ملكتك ومالكنى وعشقى جنك
وكنهوا لهيبك يا عزيز برد.....بيش ما شريت الأنظار بيبعنك
نحط النقاط وعلى الحروف نمد...ورد الكفاء واجب وجتنى منك


نبيها منك.........ولا نصدق ماحكولى عنك
بالله صارحني


إقرأ المزيد... Résumé3efrit blogger

فكر قبل تعــــــــــــوم بحرنـــــا::....

فكر قبل تعــــــــــــوم بحرنـــــا::....
فكر قبل تعوم بحرنا ....ما تقدرنا.....كم مركب قبلك كسرنا....!
.فكر قبل الموج يردك خود نصيحة والزم حدك ... عدى وين هواك ايشدك ...
...طال سهرنا..واجد غير عليك صبرنا...فكر قبل تلوم علينا..خايف تحصل بين ايدينا
.. قبلك واجد ياما رينا..وياما درنا....لين الصوب عليه كبرنا..
فكر قبل تزيد الدوّه..وقبل الموج يشيلك جوّه...وتبقى لا حول ولا قوه.
..فيك احترنا !!!..جرب و كان غرقت اعذرنا ...
فكر قبل يفوت الفوت... يجيك الحوت وتبقى لا عيله لا خوت..
....فكر قبل تعــــــــــــوم بحرنـــــا


إقرأ المزيد... Résumé3efrit blogger

بلد العام اولا حصدنا صابه للشاعر عبدالنبي باوي

بلد العام اولاحصدنا صابه ,,, اوكامل خزين الكاف علنصابه

بلدالعام اولا رقعنا قاعه
والدار حايسه لاعد نعم لاطاعه

كل يوم واحد مدعي الشجاعه
اويكذب ايقول النصرلنا جابه

اومره جماعه قاطعين جماعه
لبوادي شراقه ولحضور غرابه

بلحقد البعضهم زايدين براعه
واتيين بالقاذف اوبدبابه

ليش نكذبو ضاعت ابكل قناعه
اللي اليوم في الدوله شريعة غابه

علي راي جيل اليوم جو اصياعه
اللي تنصحه يسكر ايجيب اصحابه .

للشاعر / عبد النبي باوي

-->
إقرأ المزيد... Résumé3efrit blogger

كل وقت عنده رجاله




إقرأ المزيد... Résumé3efrit blogger

عايد بوخمادة




إقرأ المزيد... Résumé3efrit blogger

الشاعر بوعياد




إقرأ المزيد... Résumé3efrit blogger

مراد البرعصي البيضاء




إقرأ المزيد... Résumé3efrit blogger

شعر شعبي ليبي أجواد



-->
إقرأ المزيد... Résumé3efrit blogger

ملحمة ما نحملهن

خالد المجبري
ما نحملهن ,, هموم واجدة ف القلب نا شايلهن ,, في غيبتك و الله
و الله يا البعيد
كل يوم متليع بهم جديد
ليام عاكسة ما جنش كي ما أنريد
طالب العالي بالهنا يعدلهن
**************************​********
ونيس العوامي
ما نحملهن ,, هموم واجدة ف القلب نا شايلهن ,, في غيبتك و الله
نعاني فيهن
أهموم يا أسلام الله واحل فيه
أن نضت ناضن شابكات أيديهن
ذاكراتني حتى ونا هاملهن
كي أنقول ننساهن إيجي طاريهن
من كل جيهه واجدات أسبلهن
يسيلن دموعي طول من مآقيهن
علي شوق ليا من أسماح عللهن
ولا يرقدن في ليل نين إيجيهن
طيف الغوالي أيطل ويذيبلهن
يا الله يا حنان تلطف بيهن
أبكاهن على الغياب زاد زعلهن
**************************​***
اكرم الكاسح
ما نحملهن ,, هموم واجدة ف القلب نا شايلهن ,, في غيبتك و الله
وما نقدرهن
وكي نصارع أصغرهن يطب أكبرهن
نصرة علي عقلي اغلب يدفرهن
غيبة العزيله أحوالنا بهدلهن
**************************​***
اكرم الشلماني
ما نحملهن ,, هموم واجدة ف القلب نا شايلهن ,, في غيبتك و الله
احمول اكبار
شايل وصابر يا بعيد الدار
في غيبتك ياما طرالي وصار
امغير المواجع ما تعد اجهلن
الراعي الله يابو غيث اسطار
ايفرج علي لنفوس ويصبرهن
في غيبتك ياما زمطنا امرار
حنظل اسقينا ارياقنا بهدلهن
بالله ناسلك ماعدا تزيد اقهار
تعال شورنا واقلوبنا دللهن
-


إقرأ المزيد... Résumé3efrit blogger

ياعين بالك ساد

ياعين بالك ساد
بكيت عليه ودرتي عليه احداد
وما عبرك
دسي أدموعك
وخليهن علي غالي ايجي في طوعك
وغفي الليل وما تزيدي نوعك
وخلينا اندسوا للزمان اعتاد
ياعين بالك ساد
بكيت عليه ودرتي عليه احداد
وما عبرك
شدي اعزومك
لا تذرفي و لا تنزلي في سومك
وبكره اللي هانك ايجيك إيلومك
ويدير روحه جايك نشاد
ويقولك جيتك نشيل اهمومك
ويدير سبله للجفا البعاد
ياعين بالك ساد
بكيت عليه ودرتي عليه احداد
وما عبرك


للشاعر ((عز الدين اقريمش))


إقرأ المزيد... Résumé3efrit blogger

ماعلينا هنت

ماعلينا هنت حتى كان قسمك باعدك ورهنت
مازلت غالي..

ا ما اتهون..
ولا انبدلك بالغير مهما ايكون..
سوا ارهنت ولا فالوطا مدفون..
كاسك اشربته انا عليه ادمنت..

لا ننساك ولا قدرت يا غالي انعيش بلاك..
سبحان ربنا باعد علي اخطاك..
قادر ايجيبك في اي مطرح..

كنت اتجي ملهوف..
وانعيشوا حبايب لا زعل لا خوف..
وان كان قيس من ليلى بقى امهفوف..
نا انموت موت كان عهدي خنت..

انت اتجيني..وانا انجيك يا شوقي و كل حنيني..
ياضي عمري يا ربيع اسنيني..
يا كل حاجة في حياتي انت


إقرأ المزيد... Résumé3efrit blogger

غناوي علم على البكا

لو كان ياعزيز ابكاى ....... عليك دين ويش ايخلصه.

اطريها عزيز اهذلـت ....... الها زمان عينى ما بكت .

بكيت كيف بيك اطمعت ........ وبكيت فى اضياعك ياغلا.

رديت عالبكا ملزوم ........ مليان والمشاكي شاويه.

بالبكيـــــــــــــة داويته حالي ........ غير ابكاي مرض تمالي.

ببكاك تشغلي فالطرش ......... ما بالك اللي فيك يسمعو.

كريت الغطا وبكيت ......... بشويش نين فضيت خاطري.

انهاب فالبكا واحملت ........ واوحلت نين رديت على البكا.

بكايات بلاه و منه ....... غير خطاك سبب دارنه.

حتي الحلم نبكوا فيه .......... ما تخذوا على قوله رقدوا.

الخاطم ابكاك اشغلـه ...... انهال ما رجا نين ينشــدك.

بكاني ونا صبار ........ عزيز وين قدامي رحل.

العقل ما تزيد عليه ....... بكاي غير كامي عبرته.

بكيتي بكيت امعاك ....... عليش ليش ما بيت ننشدك.

معا غلا صار خطاه ....... انظر العين تبكي منيهن.

تدميع مو بكا مليوع ....... اقطع ابكاك يا عين مو بكا.

الدمع ما ايحيد غليل ........ سماحة البكا فيه نوطرا.

اعزاز ما ايجيبوا علم ....... نبكي اوقات من شوقي لهم.

عليما بكيت احذاه ......... شديد عزم مابيت نشغله.


-->
إقرأ المزيد... Résumé3efrit blogger

ما تفيـــــــــــــــــــــــــــد اعذار

ما تفيـــــــــــــــــــــــــــد اعذار **** يلي غلايا خنت يا غدار **** صوبك انسيته
ما تفيد ســــــــــــــــــــــــهاري *** لا عاد تخطر لا يجيـــبك طاري
درب الخيانة يا عـزيز حداري **** لا عهد صنته لا كميت اسرار
منك انلاجي حايســات افكاري **** انظاري زواغب دمعهن تيار
ياما حملنا ياعزيز اجبـــــاري **** منك مواجع خلفن الامــــرار
منك عيــــــــــــــــــــــــــــــــبة *** خونة غلايا يا عزيز مصــــيبة
مشقي الخاطر يا سبب تعذيبه *** حامل غصايص غيتك مـــحتار
ما عاد تزهابه تكون حبــــيبة ***ولا عاد تطمع في الـــغلا باقدار
ولانك اللي خاطري شاقيــــبه ***لا عاد عنك تهمني الاخــــــــبار
كسر الخواطر يا عزيز مصيبة ***كلمة حقيقة انقولها باصــــرار
مدعي غلانا تم فيه الريـــــــبة*** بيني وبينك عاليات اســـــــوار
خلاص انـــــــــــــــــــــــــساني ***نا منك مريضة ونعــــــــــــاني
حبك ذبلني للغلا خــــــــــــلاني *** وانت معايا للغلا سمــــــــسار
صدق وسعادة هدفها انســاني *** بينا سادت ما تشــــوف اشرار
يارب ندعيلك تزيل احـــــزاني *** واجعل ختامي لرســــول اجوار
نبينا محمد المصطفى العدناني *** انصلي عليه شفعينا من النار



إقرأ المزيد... Résumé3efrit blogger

ماهن رفاقة ديما

ماهن رفاقة ديما
ماهن رفاقـه ديمـا قليـل ويـن تجمعهـن طريـق سقيمـه
لــــقــــســـــام والــــــغـــــــلا

قليـل زهاهـن وقليـل ويـن فـي ساعـة صفـا تلقاهـن
مـكـثــور وقـتـهــن متـخـالـفـات خـطـاهــن
مــزاعـــلات لاضــحــكــه ولاتـسـلـيـمــه
مـتـوازيــات يـاتـخـطـاه يــــا يـخـطـاهــن
اديـــار الـغــلا فـــي قـسـمـهـن تظـلـيـمـه
كـــان غـيــر سـخــر قسـمـهـن مــولاهــن
ويـاسـهـن سـهــي عـالـصــوب ومـواهـيـمـه
هـضــاك ويـــن يلـتـمـن يــعــم زهــاهــن
ويـعـمـر غـــلا خـايــل عـلـيــه الـقـيـمـة



ماهن رفاقه ديمة_قليل وين تجمعهن طريق سقيمة_لقسام والغلا



قــلـــيـــل كــــــــان الــتـــمـــن
وقـلـيـل ويـــن يـزهــر عـودهــن وايـنـمـن
مـصـابـيـلـهـن حـــاجـــات مـايـســمــن
يــــاس وجــضــار ومــــوح ومـواهـيـمـه
قـاعــدات فـــي بـنــة خــــلاف ايـشـمــن
بـيــش يـبـعـدن شـبـهـة عـيــون الـريـمــة
قلـيـل عــرف مـــن يـامــن لـهــن يـطـمـن
بـــلا غـيــم يـلـفــن عـنـدهــن تـدويـمــه
لـلـغـافـل ايــجــن بسـيـولـهـن وايـغــمــن
عـوايــد لـهــن يــابــو قــريــن قـديـمــه

وانزيد عليها

قــلـــيـــل كــــــــان الـــتـــمـــن
وقـلـيـل ويـــن يـزهــر عـودهــن وايـنـمــن


إقرأ المزيد... Résumé3efrit blogger

يا صبر وين نلقاك

يا صبر وين نلقاك...........وعليك أيش الدلايل
يا صبر كيف نقناك..........وتخفف على العلايل

يا صبر طال مرجاك.........والهم فى القلب عايل
يا صبر أيش بطًاك..........أنظر أدموعى سوايل

يا صبر أقرب وهاك..........بنادم دلنًه علايل
يا صبر القلب ناداك........بروحه شايل الهوايل

يا صبر طالب أحماك........دايلينه أشيان الفعايل
يا صبر صبًره أمعاك.........كثرن سوايا العوايل
يا صبر أل همً مهلاك......والضيم جلاب الرزايل

يا صبر ضعنا أحذاك........دالوا علينا الوذايل
يا صبر تعلام الهلاك.......فى ألقلً وحظ مايل
يا صبر نحسابك رفيق......ونحسابها أتشطك أجروحى
يا صبر فى نص الطريق.....خلليتنى نمشى أبروحى

يا صبر خشًيت بى الغريق....سيبتنى ساعة جنوحى
يا صبر ناديت فى لحظة الضيق....وين جفً العسل من أجبوحى
يا صبر وين النحل هج م الصناديق......ويبست مراعى أسروحى

يا صبر هناك باع الصديق الصديق.....وقدام الكدر ذبلت أفروحى
يا صبر كنت دايرك ليًا صديق.....وكنت حاسبك كيف روحى
يا صبر وكنت عوزتى والشقيق.....ما نحسبك ترضاه نوحى


يا صبر غرًيت بى وان الحريق.......كى شبً ودمًر طموحى
يا صبر حتى وانت مرً فى الرًيق.....صابر على مرًك وموحى


للشاعر ((عبد الحميد السنوسى))


إقرأ المزيد... Résumé3efrit blogger

ياعزيز انساني

ياعزيز انساني .. راني هشيمه وقت ماترجاني
معاك الاذن .. واربح يا عزيز انساني

دور غيري .. مجهول غامض ياعزيز مصيري

والوقت نزح بالكواين بيري .. وصيّف ربيعي ومجذبات اوطاني

حكمت فأمرك ناليوم ضميري .. مرجاك لي القيت موش انساني

خايف عليك وشاغله تفكيري .. سلتك برب الكون ماتدناني

دبرت لكن مانفع تدبيري .. اللي نقول هك ايقول هك زماني

مكسور خاطر مافلح تجبيري .. وخايف عليك ف يوم نصبح جاني

الله يربحك لاتزيد في تقهيري .. بلا اموادعه تمشي انريدك راني

تعود أتعيش بلاي .. ودور طريق امخالفه ممشاي

مانك اللي للقهر والتكداي .. لونقولك راجي انكون اناني

وشهاده انك صادق وفي معاي .. وتاخذ الكلمه من اطراف الساني

وشهاده انك ياما امداوي داي .. حنون وحنانك هو اللي داواني

وشهاده انك ساعه ضمايا ماي .. جيت مالعطش رامي غلاك رواني

وشهاده انك مساح دمع ابكاي .. وشهاده انك بالود ساسك باني

وشهاده اني لاقي معاك زهاي .. وشهاده اني ديما بلاك انعاني

لكن الحاصل ياحدود مناي .. افراقك خيار وحيد ماله ثاني

ميت احسبني ومادير عزاي .. واملا بغلا غيري فراغ مكاني


للشّاعر(( صلاح الغزالي))


إقرأ المزيد... Résumé3efrit blogger

اندير فدراليا

ندير فدراليــــــــــــــــــا .... بيني وبينك يا عزيز عليا
مليت مالتهميش

اندير ولايــــــــــــــــــا ........ تاخد حقك وناخد الحق امعايا
نقسم ابروحي وكل شي احدايا........ لا انتهمش لا أندير حساسيا
ونمحا اوعودك امعاي بالمحايا ........ وانقاوم شي سموه المركزيا

اندير فدراليــــــــــــــــــا ........ بيني وبينك يا عزيز عليا
مليت مالتهميش
اندير احـــــــــــــــــــــــــــدود ........ ويقعد الصوب بيناتنا منبود
وابار الود نمحاهن مالوجود ........ نقعد قاسي عديم انسانيا
انتا وصوبك فالغلا مجحود ........ ولازم وجود الطايفة الحزبيا

اندير فدراليــــــــــــــــــا ........ بيني وبينك يا عزيز عليا
مليت مالتهميش
اندير احـــــــــــــــزاب ........ وارشح صوبي فمجلس النواب
منك كافي وصلني نصيب عذاب ........ خلاني نقعد بدون وطنيا

اندير فدراليــــــــــــــــــا ........ بيني وبينك يا عزيز عليا
مليت مالتهميش


إقرأ المزيد... Résumé3efrit blogger

اطاول مرجاه

اطَّاوَل مَرْجاك وتخمِيـم .. العقل بضَيْـم .. فراقك واصْدار مواهِيــم
اطَّاوَل مَرجاك ومَرجـاه .. امْكَبّــر داه .. خطاك انت والعوج ارياه
العقل ان قلنا ماشا اللـه .. براي سقيــم .. يجِيبه ينْقز فيه خَصِيم
اطَّاوَل مَرجاك وفَرقـاك .. بهن لامــاك .. اصْعب وان قلت نعيش بلاَك
يجيبوا من جالا ذكْـراك .. يضيْق علَيـم .. العين وتنسَى طِيب الخِيْـم
وتبْقَى تذْرف كيف هذاك .. رقِيْق عزَيـم .. دلال مرَبَّى بات يتِيْم
اطَّاوَل مَرجاك بلَعْـوَام .. ونا منضــام .. مع الياس ولَطّة لَقْسام
جضِيضِي كَدَّى اللي نِيَّام .. تقول عديــم .. يجضّ بداء قاسي ومضِيْـم
اللي ما منّه شِي نهْمـام .. ولا تحشِيْــم .. قرَف ومعيشة حال ذمِيــم
اطَّاوَل مَرجاك وكَنِّيـب .. الدمع يجيـب .. تقولن يا انظاري ونحِيـب
اخْذَنّه عهد بطرْح وطِيب .. عَلى آخر جِيم .. مواقي بدموع مغاذِيم
عَزاء فيه وفي لَطّ نصيب .. الاّ تبْرِيم .. الدنيا من تاريخ قديم
خَلاء كَم خَلَّت عامر جَيب .. ولا ملِّيم .. يصرَّه غير الله كريم
زمان "غرسْيانِي" الرّهيب .. سنين الضَّيْـم .. وقَطَّاع وجابِي ومْقِيْم
قضَوْه الجَّاوِيد بترحِيـب .. جهاد عظيــم .. حَظَوْا به واللي مات رحيم
اطَّاوَل مَرجاك وهـن زاد .. اقْراب ابْعـاد .. أوهامك ومواهيم كســاد
البيت اللي عامر بانْضـاد .. وبَاكَالِيْم .. اصناف وتسْتِيف مراقِيـم
اخْلِي م الوَحي وهن ماعاد .. لهن شِي رَيْـم .. كحَيلة وعزُول مفاطِيْــم
الوطن اللي لاق بلَجْـواد .. مرَابِي الرِّيْـم .. مسالك مَمْشاه مرادِيم
اطَّاوَل مَرجاك وما فيـه .. لها تكْرِيه .. تزيد ان قلت لها: يا هَيْـه
خَطاهم بَمْر الله طِيعِيـه .. بلا تعْذِيم .. لبخْتك لُو كان التجْرِيــم
يسهّل نعْواص قسامِيـه .. ويدْفر غَيــم .. الياس اللي حالك تظْلِيــم
ساعتَّا نا ويّاك عليــه .. بسَوْق غَشِيـم .. الظَّالم ومعاه مظالِيم
اطَّاوَل مّرجاك ومَكْيُـود .. بياســك زَود .. انتِ يا ام تشعْلِيل اخْـدُود
اصَبَّح منّه ما من هَـود .. الاّ تدوِيم .. مدَوّم واعْذاه تبُوْرِيم
بوارق ظَلْمة رِيح خَمُود .. الاّ تزْوِيم .. رعدْهن يَتْلَى فيه نسِيْــم
العارف مَنْواي المَقْصُود .. بلا تفْهِيم .. عَرَفَّا والنَشَّاد حكِيـم
اطَّاوَل مَرجاك وهِي زُوْر .. بدمّ يفُـور .. نهار وعَشرة داء محَجُـور
عَصَىَ ما جابه شِي دَكتور .. ولا تحْجِيم .. يجِيبه لا كَيّ وتعْزِيم
ولاني بالبرج المَنظُـور .. ولا تنْجِيم .. معَقِّد وتْوسْوِيْس رجِيــم
الاَّ عَين مجَدِّية القُــوْر .. بجَرْح آلِيْم .. ارْبَتْنِي واثقال محازِيــم
علَيّ ونا عَظمِي مَكسُـور .. افدا التهشِيــم .. حمُول الياسات معاكِيــم
اطَّاوَل مَرجاك وراجَـتّ .. العين بـكَــتّ .. علَى ام امنَسَّع لا سَفَّــتّ
وخَدّ مع بَرْمتَّا بَـتّ .. كما تعلِيـم .. برُوق ام خشُوم شلاظِيـم
سحابة غَربي متزَكْمــتّ .. وعَدْ تكْلِيم .. رعدهن عالي وتقمْقِيــم
اطَّاوَل مَرجاك وتكوِيـن .. ان قتْ لك وَيـن .. أسلامِيّة ناسك م الشِّيــن
اقْدم سمّانا رابع دِيــن .. وهَل تسلِيم .. خليل الرحمن ابراهيـم
وهم ما فيهم قلب يلِيـن .. ان جِيت حمِيـم .. ان عَدَّيت حراب مسامِيـم
اطاول مرجاك وتكدير .. انظاري من ياسك والشوق
لمِيعادك ونظُورك غَيـر .. بقِي دُونك كَمِّين خَـزُوق
ان زلت نقول ترُوكك خَيــر .. ان صارت ندَّايَر ونرُوق
يهفَّن ع العين مواكِيـر .. غلاك علَينا تنصب سُوق
وتلتَمّ همُوم وتفكِيــر .. ودمعة ومضايقة اخْلُوق
علَى اللي له ما رَيت مضِيـر .. ولا رَيت مثِيله في الــزَّوق
من اقْصَى "مرَّاكش" لـ "ازْمِير" .. نظَر كيفه ما لَه مخَلُوق
شقاي وهَولِي والتّقهِيـر .. ورا ام خدود تقول بــرُوق
الله يا واهب رزق الطّير .. ويا فَرَّاج لكل ضيـوق
الله ان تِيسِر كل عَسِيـر .. لجملة من عارف بحقوق
الجِيرة ولمَن كان عَشِير .. الاَّ ياس ام خجَل مَفْرُوق
أوَّل فيه ولانِي لاخيـر .. ودِيمة طَير طرَد مَلحُوق
اسْمَا المحبّة وَين تْسِيـر .. قليل نجاها وَين اتُّــوق
عليها جَيش الياس يغِيـر .. هَدَد تُوغِيم ..يبَدِّل جَنّتَّا بجحِيم
اطَّاوَل مَرجاك وتخميـم .. العقل بضَيم .. فراقك واصْدار مواهِيم


إقرأ المزيد... Résumé3efrit blogger

الغالي تباعد والنصيب مشا

العين باكيه دارت عليه عزا *** الغالى تباعد والنصيب مشا
دارت ضجه **** سالت سواقى بالبكا منقجه

دنيا قسامى كلها مرتجه *** والبخت هالب والنصيب جفا

مكتوب يا ناوى الحج اتحجه *** لا القسم عندى لا نوى لا جا

بكت بقوه **** اللى افراق غاليها خذيتو سوا

انجرحت ونزفت والكنين تلوى *** والشيب رتا ف السواد طغا

مكسور رانى غالبتنى الدوه *** لا فادنى الدكتور لا الدوا

دارت جره **** سيول وتقاوت بين ياس ومره

جفلت وحاست من البكا منضره *** غالى عليها فى الوساد لفا

سمرت عقاب الليل ليله غره *** اتقول ما عمره عليها جا

كمدت بحرقه ريدها فى سره *** تمن ادموعى كى اشبوب اشتا

النوم جفاها **** كاثر عليها نوحها ومشكاها

اللى قبل ما يسهر الليل بلاها *** اطاول اغيابه ما اتصلش ابها

ظلم الايام وجورها ومدعاها *** صارت وحيده ما عليها اعبا

تمت اتراجى من بعيد امناها *** القسام شالت والوداع بدا

دارت ليله **** على قسم ناوى فى الرحيل وشيله

دنيا قسامى والنصيب مثيله *** الا الجرح من نعشق صعيب اكفا

تما مكانه كى افراد العيله *** والقدر عالى فى اكباد سما

واعذرت قسمى ما القيت وسيله *** تميت نبكى فيه حتى انا

العين باكيه ودارت عليه عزا *** الغالى تباعد والنصيب مشا


إقرأ المزيد... Résumé3efrit blogger

انلومك اوقات واوقات فيهن نعذرك

انلومك اوقات واوقات فيهن نعذرك وموش كل غلطـة تغلطي معذوره
وبيش ماتريدي تذكريني نذكرك راه كل باذر عارفه مبذوره

ونقبل العذر انكان عذرك يسترك انكان عذر حي القيت فيه اخضوره

ونصفي ابذارك من جديد ونبذرك في مركح وطا حره وهي مبدوره

اسبوع نشمسك واسبوع نقدرنمطرك ونديرك مطيره لي نا محجوره

بالك اتجي صابا بعد نستنظرك وتصبح جميع الفايته مقبوره ولا عذر فارغ نقبله لانغدرك واصحي اتسيري في وعا مقعوره

شراب عذر يكمل قبل تصلي يجبرك يا تقدعي يا تكذبي مجبوره

اترومي انرومك تدفريني ندفرك عنـدي النفس ما تطلب جداك صبوره

لا تمكريني تجبريني نمكرك وانتي اتضني ما قطعتي بوره

يا تنفريني نين نقدر ننفرك وطريق كل حد دخان نار سحوره

ولا تطعنيني من جديد بخنجرك امسامح الطعنه لوله مغفوره

ونصيحه لوجه الله كنيب تنضرك دون عفن طالقلك نسيم بخورهواصحي بخورالعفن راه ايجرجرك ولا تقدعي بالفول لا بقشوره

واصحي تطرفي عينك بروحك بمرودك ولا تقربي العدام في خطوره

وانكانك ازعلتي لا اتدسي عبرتك لاترقدي وانتي بها مغصوره

معا هلك ولا في مجابي غربتك اصحي من عيون الناس يامخيوره

ولا تغصوريني لا انريد انغصورك ولااقمرك نرجى في اوقات ظهوره

عندي سوا كي بسمتك كي كشرتك ظلام خيرمن صاحب ايمن بنوره

مستغفر ونافض دي نا من تربتك ســـــوا مجدبه ولا سوا ممطوره

وباقيتك ادمايه لي نا ما ننكرك لكـن افعالك هي اللي منكوره


إقرأ المزيد... Résumé3efrit blogger

خواطر

واخدين ما فى العقل حتى وهى بعيده داركم **********************غلاك فى سماء مكتوب يقراه جيل ما زال ما انخلق**********************************كلانى صهيد النار مشتاق يا غوالى وينكم ****************************شايل شايل انشيل من جديد انحط فوق الحيل احمول من خطا لولاف***********************منك منك توعه عقاب اليل تنشد عنك خليت يا عزيز العين********************** ابكاك ما ايجيب عزيز كرى اخطاك يا العين وارقدى ****************بكيت ما بكو لبكاى ميت ظمير لولاف قيسهم******************


إقرأ المزيد... Résumé3efrit blogger

امواجع الصاحب والزمان تلاقن

امواجع الصاحب والزمان تلاقن .. كيف ضقتن مرات ماينطاقن
صاحبي وزماني .. اتقول قارنات الراس ياحباني

وياني امعاهن ف المرار انعاني .. وكيف ميلّن خلن اخلاقي ضاقن

انريد الموده م الحبيب جفاني .. مواير الخطا بانن علينا تاقن

هم باعوني .. ونا زاد ننساهم اللي نسيوني

ولاعاد انجيهم لايريد ايجوني .. كي انسيت مدعاهم احوالي راقن

ولاعاد يبكن بالدموع اعيوني .. ولاعاد عليهم في الغياب اشتاقن



فرد الشاعر عبد الكريم بو جديدة وقال:



ولايريدن طاري .. كثر الجفا بيّن اللي متواري

ولاعاد يجولّن كي ايامك ذاري .. ولا ينشدن كي قبل لاينداقن

اليوم من زعلهن واقفات اصداري .. انسوقهن عليهم سوق ما ينساقن

امواجع تمن .. ايحوشن معا حوشة الليل ايلمن

لوكان من سكة خطا ماهمن .. امواجع كبار وعمد ماينطاقن

علي خاطري دارن اسيول وجمّن .. سير الموده جن اصدافه عاقن


فشارك الشاعر حمدات الشتوري وقال:

سية الصاحب والزمان تلاقن .. نا ضقتن مرات ماينطاقن

لو يلتمن .. سية الصاحب والزمان ايهمن

وخيك افكاره ماساعيا لمن .. لولا الطواطي قبل حوتا راقن

عصبا عني .. سية اللي صاحب وخالف ظني

والايام جن بعكسهن دالني .. شوري السافي والقبالي ساقن

مو بيديا .. سية اللي من قبل عز عليا

وتوا نويتا نردمه ماضيه .. م اليوم العطابه والنجاهه تاقن

مو بالغايه .. وقطعت حنظل من خطاه امعايا

غاب الدواء ماالقيت طب لدايا .. الا محي ذكره ونشطبوه اطلاقا

انقنها مره .. سية رزين العقل مايتورا

عليه العتب من قبل ما يجرا .. فعل الخطا وابيات فيه ولاقن


إقرأ المزيد... Résumé3efrit blogger

غناوي علم لعبدالكافي


1. سوايا وحتى قدر .. عزيز في داير واجداً

2. لطوني علي دنواه .. ضروني عزيز ادمأيته

3. قوال خير ماجاني .. من ناسي ومناس جارحي

4. اتبات كل يوم ابراي .. مسكونه الغلاء مالها دواء

5. مسكونة صوب غوالينا .. كل نهار ابراي اتجينا

6. هربادة الغلاء القديم .. دسيت لجل مي هاينا علي

7. يا صهيد نار عزيز .. في أيام ومد متلا قي علي

8. اوقضت بيك هنا دون .. ثريتك اتسوقط ياغلاء

9. استاقظ نالا هانا دون .. غلا اولاف قريب أيهو

10. إيباتن ابر اي النسو .. وينوضن أيقولن ياقدم

11. يا واهب ارزاق العين .. سهل أقسام مقطوع الرجاء

12. عزيز في خطاه امعاي .. أندم امغير موفايد ندم

13. في ارقبة ناس عزيز .. ذنوبي اللي ما وافقوا

14. نهار ليل عالوهام .. تبكي العين ما رايي خذ ت

15. حلال لا أبكاء لاغيض .. أمفيت عالمواهيم والقدم

16. أصحيت للغلاء تالي .. واجعاتني أيامي الهالبه

17. مازلت في ادروب عزيز .. نمشي انسوق وأنعودبهن

18. مداعيات عالوهام .. دليلي وعيني وخاطري

19. عديت للعزيز أبعقل .. رديت فاقده لوميني

20. العقل بين دين عزيز .. والباقيا الاروح في جسد

21. حتى لو أعزاز انكروا .. نحلف عليه عقلي عندهم

22. أفرعت يارحيل غلاي .. خبارة خطاء فيك سايره

23. أختارو غبيط النوم .. وأخطرو فيه قلالت الهناء

24. بلاعزيز موبريان .. الجرح لو اداويه بالذي

25. غرارها بلا اعددان .. أنظر العين تبكي امنيهن

26. انكان مامشينا بيك .. قولي امواهيم وأذرفي

27. لودار 100 عيب .. عزيز في مكانه عندنا

28. انكان ساتره مولاه .. عزيز راه عذر ا جابلي

29. غنوك ناس مايسووك .. اعشمت فيك ياصاحب الغلاء

30. حتى والرجاء مقطوع .. لليوم ياقدم شاغليني

31. شكيت للقدم من النار .. جروني وجابوني الها

32. أن جاء الليل جوني فيه .. نسمر اسمور في شأن القدم

33. ناخذ وخلاء ياعين .. أندير الليالي عالغنى

34. ماصدتلك يانوم .. في نهار والليل يخطروا

35. ملا جي ملاه قديم .. مااهناك للجدد وين يقعدو

36. عليكم أندير جديد .. قليل خير نبقى ياأقدم

37. موش كيف نار جديد .. مقوي صهيد نار القدم

38. قديم طارحك يانار .. أمنين ماأنحاذيه نلتذع

39. اللي موصهيد لذيع .. أسمله علي من نارهم

40. كلا ني صهيد النار .. خذيت ذنب ياجارها علي

41. حتى عزيز موقاعد .. أرياف للمواهيم ساقني

42. نوقظ اني في الدار .. انكان نهو أبكاء عيني أقوى

43. ما أيفوتني لاوقت .. ونا انقول لاولاف القدم

44. يكمل أخطور وأمهاياه .. له أسنين نومي موسوى

45. أجبرك نوم جوك منام .. فزيتي أقدرتي عالبكاء

46. علي عزيز جاني علم .. يلهيني أياماً واجده

47. ما أمعاك يا عزيز أقصرت .. حتى سلام ماترمي علي

48. أوقضت غير هانا دون .. أسنين واجده ناسيه الغلا

49. كنيب النصيب يجيب .. عزيز فيك يا دار نقعدوا

50. مرهون هو سبايب داى .. يقدر يجيب ويغيب بالدواء

51. لوكان الغلا قتال .. نهار الخطا راك قاظية

52. القسم لا طني عالدنو .. عزيز فيه يا طول عازتي

53. أيام الغلا القديم .. ما عاد يا مراهين يقدعن

54. قلوا هناي مرهونين .. انطاطي علي نوم يخطروا

55. لنظار في خلا لوهام .. تباكن أيام وسكتن

56. زعزاعة فراق .. عزيز في العقل بارمه مالها ونس

57. بلاه ما نريدوا نوم .. أرجى عزيز وتنامى هدد

58. اللي لا برح لا مات .. مقوي عزام مديول الغلا
-->
إقرأ المزيد... Résumé3efrit blogger

مــازلــت عــنــدى غــالــى

مــازلــت عــنــدى غــالــى وين مااتغيب الجو مايصفالى. تحساب كيف زمان
مــازلــت طــاهــق بــيــك ويــن مااتغـيـب انــدورك وانجـيـك
راحــن ايــام الدوشـنـه هـاذيــك ونـادم عليهـن كـان جـن فـى بـالـى
ولابـخـيـرولابـالـشـرنـذكـرفـيـك ماانريدمـنـك شــى ولامــن والــى
غيروالنـبـى رحـمـه عـلـى ولـديـك تباعدخطـانـى خلـنـى فــى حـالــى
تـحـســاب كــيــف زمــــان تـدلــل ع الانظـارعـنـدك شـــان
حكـايـه قديـمـه كــان يـامـاكـان ويـامـا بعـدهـا صـارلـى وجـرالــى
حـفــره كـبـيـره درت للنـسـيـان فيهـا امواجـع مــن اعــزاز غـوالـى
فيـهـم الـلـى لاتـومـسـع هـــان امغـيـر مــن افعـالـه عذرماخـلالـى
الا انــت امخـلـى مقـعـدك مـلـيـان بروحـك امعقـب مومكـانـك خـالـى


للشاعر ((بلقاسم السحاتى))


إقرأ المزيد... Résumé3efrit blogger

ارضيت بالخطا

ارضيت بالخطا والى افداى افداك **** خطاك صار سامحتك احملت بلاك
موجعه اوجيعه **** ودمعه على دمعه على تدميعه
صاعب عليك اشراه ساهل بيعه **** الخاطر الى منك جفا بجفاك
اروى بدمع لا ميعاد لا توديعه **** جرار ياس من ياسك ومن فرقاك
ختام الحكايه فاجعه ومريعه **** لفراق الريح من ابكاى احذاك
ما علينا صارت **** لوعة خطاك مع دباير حارت
اهتزت معابد صبر فى انهارت **** تهاوت تهاوى حلم عاش معاك
فيدك وفى ضلك ايام توارت **** وعاشن ايامى فى انتضار رجاك
وكان الكفا منك بقول اختارت **** الاقسام تحرمنا ربيع غلاك
ما علينا منه **** خطاك صار ما ضنى انتراجع عنه
سامحت فى الى صار موش محنه **** هضا بيش تعرف انى نهواك
ما علينا فضت **** لوعه وتابت بالدموع توضت
بين النصيحه والاوهام انشضت **** انجوم غطاهن سواد سماك
بيك احتمت م النار بيك تلضت **** نارك نصيبى من دفا دنياك
وطوع النصيحه موش قولة غضت **** عينى الدمعه والنضر يخطاك
بلاك حتى عمرها لو قضت **** بلاك ما ضنى اتموت بلاك

-->
إقرأ المزيد... Résumé3efrit blogger

ملحمة مازلت نا هونا

الشاعر الشعبي المعروف ( بوعجيلة عبد السلام القبائلي ) احد شعراء مدينة اجدابيا ماراً في أحد الايام امام منزل فتاة في مقتبل العمر فداعبها ولكن الفتاة صدت الباب في وجهه فابتسم وبسرعة بديهة ورد على لسانه هذا البيت :


لوكانك من جيلي..انّصبي على بابك بطوله ليلي .. شحات للغلا


ومرت الأيام والتقى بزميله الشاعر ( عبد السلام بوجلاوي ) وحكى له ما حصل له وبسرعة بديهة رد عليه بوجلاوي قائلاً :


لو كانك من ندّي = مانرد من ردت الباب انعدي
انخبط برجلي كيف تبطل يدي = نين يشغلك مطراي وتحليلي
كيف تفتحي عندي اسلوب تجدي =ضروري ان كانك مسلمة ترثيلي
ونسيل ان سالتيني فيه انبدي = سريب سرد سهرايه سبب تسويلي
نين للغلا يد ليمين اتمدي = وابها تعزقي احسنات في منديلي


ومرت سنوات وتزوج ابن الشاعر بوعجيله عبد السلام ورزق بمولود وحضر بعض الشعراء والاحباب مهنئين له وسأله احدهم ( هل مازلت شحات للغلا يا بوعجيله ) فرد عليه قائلاً :



مازلت نا هو نا .. حتى ونا ضناي مخلفين ضنا .. شحات للغلا

واليكم قصيدة صاحب هذه الملحمة الشاعر بوعجيله عبد السلام الذي يقول :

مازلت نا هو نا= حتى ان كنت داير صاحبه وضنا = شحات للغلا
مازلت ما غتنيت = حتى ان كاني عاقل وباني بيت
تقولّي سعيد نقولك ياريت =عايش امعيشه ما عليك ابها
قولو الناس على سماحة صيت = ونا اتقول طيب الصيت قطع الوا
تلاشى دلالي لوّلي وانسيت=اعزاز دنوهم للعقل كان دوا
مازلت نا هو نا
مازلت من وجداني = نعشق ونا عارف احدود مكاني
واخذ نصيبي م الغرام الفاني =امغير شيمتي في غيّتي الوفا
ومازلت متمسك بقو ايماني=وعارف الدنيا موش دار بقا
وحتى انكان هو الزمان موش زماني =امسايرينه وادعا ايحد ادعا
مازلت نا هو نا
رغم اتعابي = ورغم الزمان اللي مضى شبابي
مازال لي مكان بين اصحابي= نرتاح كان ساقني الهْم اخطا
ومازلت داير ليبيا محرابي = وندعي الها في كل وان صلا
ومازال رايي في الشباب ايجابي = حتى انكان فيهم تختلف لاراء
ومازال يلمع من بعيد ركابي =من يومن اركوب الخيل بامزابا
ما يهمني كان الجواد كبابي = واجدين غير يلهدوالا بعصا
مازلت نا هو نا


هذه هي قصيدة الشاعر بو عجيلة عبد السلام التي تحولت إلى ملحمة الهبت مشاعر الشعراء مما دفعهم إلى الرد عليها كل حسب هواه فمنهم من سرد بطولاته العاطفية السابقة واصر على مواصلة المشوار ومنهم من تحدث عن ماضيه ولم يواصل المشوار ومنهم من سلم للكبر و ( حط المذاري عالتبن ) ومنهم من تحدث عن الدنيا وامورها ......


مازلت نا هو نا .. حتى ونا ضناي مخلفين ضنا .. شحات للغلا


من هنا تغير رأس البيت ونال اعجاب جميع الشعراء في جميع انحاء الجماهيرية وتناولوه بالرد .. وتحضرني رؤوس الابيات لبعض الشعراء الذين سنورد ردودهم على قصيدة بو جلاوي حسب ما يتوفر :

على الساعدي الفاخري يقول :
مازلت نا هو نا = على ماطرالي في الحياه وجرا = نظيف معدني


وقال محمد بوهارون الزوي :


مالت نا هو نا .. حتى ان كان قالو لا مشى لا جا .. شور دارهم


وقال عوض الهوني :


ما نيش نا هونا .. شاب الشعر والعين فيها دا .. وكيف عاد اتريديني


وقال ادريس الشيخي :

يا حاج فرقت نا .. في بوغثيث تقول غيم اشتا .. رجاي منقطع


وقال عمران القزون :


مازلت نا هو نا .. مغير ما نشوش امعا سريب نسا .. وفي غيرهن



وقال عبدالسلام الحر :


مازلت نا هو نا .. نشعر وراسي ما عليه اغطا



وقال مصطفى الشلماني :


ما زلت نا هو نا .. نجري على قوتي وقوت ضنا .. في عازتي



ويقول حسن البوسيفي :


مانيش نا هو نا .. خذيت قرعتي والصغر لي انتهى .. مواطي النظر



ويقول حسن شاكر الهوني :


مازلت نا هو نا لوّل .. صابر على جور الزمان امهوّل
لو انموت لا نشحت لا نسوّل .. ولا عبد منّه نطلبه الرجا



وتقول فاطمة عبدالله :

مازلت نا هي نا .. لا نروم عيب ولاندير خطا



ويقول عبدالله بالروين :

مازلت نا هو نا .. حتى ان كان شيبي ع السواد طغا




(عبدالسلام إبراهيم طاهر بو جلاوي ) الشاعر الذي اشتهر شهرة واسعة في شرق البلاد وغربها وجنوبها ويتلهف الجميع للقاء به وسماع الجديد من أشعاره المنمقة وانتقائه للكلمات البدوية الاصيلة كقصيدة :

اللي العين ما رضيت بزول بديله .. مقطوع الرجا فيه بكل وسيله

وقصيدة ( ميموله خلاف ) وقصيدة ( الهاتف ) :


ما عد علي ترنّي .. ما يسمحن عدة ظروف وشني .. معاك بالغلا

ويقول الشاعر عبدالسلام بوجلاوي رداً على الشاعر بوعجيلة عبدالسلام في ملحمة ( مازلت نا هو نا ) :



مازلت مسّع رقت = ولسّع انسيت من فارقت
تقول ما اوصل منهم الا هالوقت =خبار ياسهم دوبه عليّ لفا
وما من افراق نهاره ذقت = لها امعاي ما زالن ابواقي دا
مكتوب في جبيني من نهار اخلقت = بنار الغلا نسمر ولا مه لا
مازلت نا هو نا
مازلت للزينين = نشارف ونا شارف علي الخمسين
ومازلت لا توا نموج حزين = اطربي شال في جرة امناي جلا
مازلت ما نقبل إللي هالحين = من جهة امعزى في عزيز عزا
انظاري تقول مفارقات جنين =مجهول المصير انحاز بين اعدا
و لا بن ايهوننه بطول اسنين = غلا اشرب عليه زمانا وكلا
مازلت نا هو نا
مازال عقلي خضر = ايام لحصاد نريد نبذر بذر
علامات كبري ما عليهن عذر =. امراض مالهن عند الطبيب دوا
والياس مانع الغيه وفارض حظر=على من لصيف الشيب فيه بدا
خطيه كبيرة ملفته للنظر = ان كان دارها منا اينال جزا
والناس عندهم لازم يموت الجذر =ان صاف الورق ماله يجوز بقا
شين الملابس في نظرهم قذر= حتى لو ابقي طاهر نظيف عضا
مازلت نا هو نا
مازلت كي ما كنت = ان صاوبت صوب امصاوبتني صنت
ولا من امنّي حياتي خنت =مبداي صدق قول وفي لوعود اوفا
وكنت اللي نجرح اليوم اطعنت = بلا اجراح طاعني سليم مشا
الحاصل على جنس الصبايا هنت = ما عد انذيبل غاليه بغلا
ولا ان بنت تفرح غير بنتي بنت = تقول لمها يا أمي الغايب جا
ولا لي عليهن لوم شبت وشنت = وفي هالمجال الكبر راه اخيا
حتى ان قلت مازلت له مالنت = حقيقة وياجب لعتراف ابها
الصوب سريبه ع اليسار ركنت = بنيت فيه كم عللي وبتت خلا
ومازلت صامد كيف ما قلت انت = وفيهم انراجي كان فاد رجا
مازلت نا هو نا
مازال في دوامه = مدورد عليه جذار عقلي ضاما
يمشي مع ايهن عدو دروب امامه=يخاير وحاير ما قرار خذا
ايخاف اللصيف يغر به يتعامى = عليه عالضما لوّلي يزيد ضما
اختامه اوقات يصلح غلطته بندامه = بلا مشربه خلف السراب جرا
ويطالب نهار ليل باستسلامه = الياس قاله سلم وهو مابا
حتى والسلام اوقات فيه سلامه = وناظر لغيري ما جرا وطرا
رفضت الخضوع وسلطته واحكامه = وله ما ركعت ولا طلبت جدا
نعيش صقر يوم ولا اسنين حمامه = ولا لي على عير الكريم اعبا
مازلت نا هو نا
مازلت في تياري =انواري نويت وما قدرت انواري
اصروع الجواد اطلقت في مشواري =وين م الجضر والغيض بي مشا
ومن قبل ناصب ع الغوالي طاري = بكيت ما قضيت الياسهم ببكا
اللي افرقهم شوش جهاز افكاري = ما قبل حوته من جديد صفا
وتمن ايشوشن للجميل انظاري =كيف ما يريدن في زمان مضى
ولكن الشي اللي عليهن طاري = لا عذر فيه ولا عليه اغطا
زرابهن مرض من حكم ياس اقراري =اسماه كبر سن بواجدين زرا
وجدت الصوب ما ولول بحكمه ساري= معمول بيه الوصوب القديم لغا
عقبت وغلبني ما اقدرت انجاري = الجيل الجديد اللي عليه نشا
لا اقدرت نوقف عند شوكة جاري = نعاكس صبايا عامدات عزا
ولا طال يالا مدرسة انتظاري = لفرعة بنات مسرحات غدا
جميع ف كتاب خليل ماني قاري =فنا مع الشباب اللي خلاص فنا
انظاري عوضهن في الطرب عالباري = له مابقي مما عطا وخذا
ولكن ابها بكل هوايد ضاري = يهفن ان جاهن العزيز نبا
يروقن اشجارهن واشجاري = عروقهن يطولن في عقاب ثرا
مازلت نا هو نا
كانن ايام الماضي = يجن في المنبي والجميل غراضي
ان كان قلبه م الغوالي فاضي= يلبي ندا قلبي ان ذاع ندا
وامعاه ان لفظت انكون عند القاضي =ما يصير من شوري امعاه خطا
وديمه عميل الغيرنا متغاضي=في ىخر المطاف ايهد ما ابتنا
ونصبح سوا راضي اوماني راضي = نصيبي حسايف م الغلا وشقا
الحاصل عليا تقول حاكم قاضي = ابياس ما يطالقني مدى الحيا
كمّين جاينه جتني العقل تشاطى=حتى وهي قويه راضيات ابها
مازلت نا هو نا
مازلت ماني ناسي= سريب الغلا اللي ثقب حماسي
ريح من غلاه توزّ في مقباسي=ما همدت واخمدت نين هفا
امعاه قبل من لاماه نحتم ياسي = ما انسيتهن عايش ايام زها
اوين ما صدر حكم لفراق القاسي = اللي اضحكتها ردت علي ابكا
مازلت نا هو نا
مازلت في موّالي = حتى ونا كبير وبزوجتي وعيالي
وكبرن وتمن من بنات اجيالي =عجايز ونا راسي الشيب كسا
ولا عد بصوب خليل يزهى بالي = ربابيط والا معنوه واغنا
وحتى ان قلت نترك هالصوب البالي = فايحات ما نعرف اندير اجوا
واللي ما عليه انغلا عيب انغالي=حتى لو اطري لمرضي فيه دوا
سقايهن ان ماتم السواقي مالي = ويهاوي ولا قط للضوّال عصا
يصابن بعيد وهن اعطاش اجمالي=اثقال ما يداعيهن زقيق ارشا
نين م العطش يفنن خلا في الخالي= ولا م السما ينل شراب سما
مازلت نا هو نا



ثم اتجه شاعرنا كغيره من الشعراء المشاركين في هذه الملحمة إلى عرض احاسيسه واستعراض اموره الخاصة متحدياً من اراد المساس بشعره وتحريف بعض الابيات وهو خير من يتحدى وهنا لسنا بصدد سرد هذه الامور الخاصة ولكن دون شك بعض القراء والمتتبعين لهذه الملاحم يعرفون جيداً ما يقصده شاعرنا عبد السلام بوجلاوي من خلال ابياته التي لا تحتاج إلى شرح وتوضيح كقوله : مازال ماسك داره .. الخاطر مع اللي يعرفو مقداره
لجواد بينهم بالكبر زاد كباره .. كبير عندهم ولهم عليه عنا
وحتى لو شكرهم ماي عليه معاره .. للناس لملاح الشكر رد اكفا
ولا من شكر واحد يجير اشكاره .. الزين من امعاي ايزين قال اجحا
ولا من قرض ينساق في تياره .. لا ذم واحد لا مدح بإيحا
ومزال يبسط في العرب باشعاره .. كان البحر عنده اصفي وهدا
وان هاج وتغضب يا شقي بحاره .. قليل وين ياجد م الغراق نجا
واخيار الكلا م يفيد باختصاره .. حتى وهو قليل ان كان دل كفا
بلا شرح يعرف مقصدي بافكاره .. الفاهم الليربي عطاه ذكا
مرسولك انكان احسنت في اختياره .. على من رسلته ما يريد وصا
مازلت نا هو نا
مازلت ماسك حدي .. على ما تركني فيه بوي وجدي
لا ننجرف في دفع سيل امعدي .. ولا يزحزحن ساسي ارياح اقوا
ولا يوم يبهت معدني ويصدي .. معا صهدصيف ولا جمود اشتا
ولا يغيره طل الربيع ايندي .. خوغ م الندى يردي عليه صدا
وهي للمشاكل والحساي اتودي .. ما انتبع اللي في طريق مشا
وغالي علي الحق حتى ضدي .. نقوله وما نطلب عليه جزا
مازلت نا هو نا
مسّع لاكنت الغلب .. ولا عمر طيبني ابواخ الجلب
ولا يرد صيدي من نبيح الكلب .. ولا يعن قافلتي سطير اجرا
ومازلت كيف نزوم زومة ثلب .. هدير فرخها ينقص يعود ارغا
ومازلت نحمل في الجواجي قلب .. يفيض بحنان وعطف خير عطا
ولكن شديد عنيد قاسي صلب .. سريع يتحول كان لمر دعا


إقرأ المزيد... Résumé3efrit blogger

يا الله ما تنساني

يا الله ما تنساني


يا الله اذكرني

وبطاعتك وذكرك زيدني نورني
واحسن ختامي يا الله بشّرني
يوم لاحساب بجنة الرضوان
واغفر ذنوبي كلها واسترني
واجعل شفيعي الصادق العدناني
بصومي وزكاتي والصلاة فكّرني
ونشهد نسبح في خفا وبياني
اشملني برحمة واسعة واغمرني
بعفوك ولطفك يا الله ارعاني
وفي الآخرة يا رب ما تحشرني
مع من عصاك وخاب في السعيان
وابعد عليّ كل ما يكدرني
وخليّ الفرج مني قريّب وداني



يا الله وريني
الحق والصراط المستقيم اهديني
جمّلني بعقلي والعلوم وديني
ونحسن العمل في كفة الميزانِ
فعل الخطا ما ندير طول سنيني
وما نقول غير الصادقة بلساني
ونوّر طريقي في الحياة خلّيني
نسعا لفعل الخير طول زماني
باسمك نسبّح كل غمضة عيني
ونصبح علي ذكرك اليوم الثاني



يا الله اجعلها
خفيفة ظريفة كان حان اجلها
سهّلنا لها وقتها وسهّلها
وأحسن ختامه هالعمر الفاني
ومنا التوبة يا الله اقبلها
واجعل منازلنا رياض جنانِ
الهمنا الشهادة وين ما ترسلها
الميتة اللي هي حق ع الانسان
ان كان خير والا شر بالحسبانِ




إقرأ المزيد... Résumé3efrit blogger

فاقد عقلي ناس غوالي

فاقد عقلي ناس غوالي ... اصحاب نزالي ... في الوطن اللي تم خالي
فاقد عقلي ناس احباب ... عليهم في الخاطم نشاد
عرب تلبس فضافي لنقاب ... طرابا موش اوجوة نكاد
عرب لكانه صار اعطاب ... ايجو جملة من غير اعداد
عرب جيش العادي متهاب ... ايلاقوة بسنق و زناد
عرب تكسب فعوجة لرقاب ... اللي حمر وزرق و ترباد
و اللهم مال اتقول ضباب ... ايبان علي العطنة رجاد
عرب عيلهم ليه جواب ... انكان نطق عنده رداد
عرب للضيف اتقول سحاب ... علي اتجود بمال اجواد
عرب لكنها جنها اجداب ... الهم شيخ اصلالي ... معوف بنسبة جمالي


إقرأ المزيد... Résumé3efrit blogger

اللي سيبك وسط الطريق

اللي سيبك وسط الطريق جريحة..عليه البكا ممنوع والتنويحة
اللي مصيف حالك..عليه البكا ممنوع ردي بالك
خليه ماضي ماعليه اسوالك..وانسي اللي نسيوك عطبك ليحة
ماتذرفي خليه جوك سالك ..قدام العرب تبقي عليك فضيحة
وكانك اشقيتي بيه مانا بالك ..انريدك معايا يا العين صريحة
اللي سيبك زعلانا..عليه البكا مرفوض يا مشكانا
لاعاد تشلي لاتقولي يانا..وماعاد ريحك طوع جت في ريحة
انسي سريب اللي نوي الخيانا..من يوما مع غيرك بقت له ميحة
ديري عزايم واذكري مولانا.. يكفيك من عذاب العقل واتموطيحة

للشاعر ((فؤاد العكشي))


إقرأ المزيد... Résumé3efrit blogger

سهرت وماعنى غيب

سهرت وماعنى غيب خياله بؤ ممشوط سفاة
انضمة لصدرى طارب +++ كمافيس ملاقى ليلاة
بنوصفها بوصاف عجب +++ اعيونك سود الليل سواة
وقابلنى فيها شارب +++ كما وردة باين محلاه
الاخدك منه قارب +++ امرايا عاكس يا مصفاه
جبينك يا تحته حاجب+++ اهلال نتق راقى فى سماه
ايديها بالحنه تجداب +++ ونى عقلى مجرور وراه
الخاطر صايف زاد تعب +++ يخترف يحسابك يالاه
نزل دمع عيونى ساكب +++ على اللى علقنا بهواه
قدت نارى من غير حطب +++ وجوفى زايدنى بشواه
ابعادك خلانى كارب +++ على نفسى بنصون غلاه
مرجاي ديمه فى الرب +++ يجمعنا الا تنين سواه
اللى واخد عقلى محلاه +++ انصون غلاه فى ها لدنيا ما نعيش بلاه


إقرأ المزيد... Résumé3efrit blogger

فيه ناس لو تلقى اتعيش معاهم

فيه ناس لو تلقى اتعيش معاهم


فيه ناس لو تلقى تعيش امعاهم وفيه ناس تكره بيعهم واشراهم

.................

فيه نا س هبودية ايديرو الخطأ ويصعدو للميه

انكانك نهيتة ايدير فيك قضية ايقولك امعاى الحق وانت واهم

وان تكلمت تبقى عليك أذية وان سكتت ماامره الصبر احذاهم

......................

فيه ناس م البيتية لايظلمو لاهم اصحاب خطية

هل عرف كافى مايديروا سية ضناء اجواد والجودة صحيح هى مبداهم

يزاواعلى الزينة وطيب النية بالجود والكرم والعز هم وضناهم

...........................

فيه ناس غير الصورة بمنظر ايعجب يعجبك فى نظوره

وين تفتشة تلقاه جوه عورة ماتغريك الاشناب لاتدناهم

لو شاورونى نعمل المستورة تمنيتهن الاشناب فوق انساهم

.............................

فيه ناس اصقورة بكل الوسايل جايبين الدورة

لاغطرسة لاظلم لاهم شوره ايحبو العدل وربنا يرعاهم

وانا طالبه ربى وطالب مورا جميع الوذايل فى لهيب افداهم

.......................

فيه ناس وذايل حيوان ناطق ماعليهم سايل

فتنة وقريضة ع العباد اتحايل وعالظلم مايبوش من يناهم

يردو بجاهه كان جاهم سايل والرفيق ضده ايواجهوا دعواهم

.....................................

وفيه ناس عصارة ضناءاجواد مامنهم اتجيك اصغارة

وحق النبى والبيت واللى زاره تنسى جميع الهل فى رفقاهم

وللجار يزابوا بكل كبارة يبدلوه عن هلهم وعن قرباهم



للشاعر ((محمد ابو غماز))


إقرأ المزيد... Résumé3efrit blogger

وين مـــا نقـول نهونك

وين مـــا نقـول نهونك يلي مذيبلني سواد عيونك
لا حذاك في الدنيا علم لا دونك ولكن خسارة فيك عاكس عوني
ما زال ما عندي نقص قانونك كيف ماأنت عندك نقص قانوني
ونجن قيس من ليلي ونا مجنونك حتي ونا سليم الناس يحسابوني
وين ما ثمر غيري قطف عرجونك ونا الهم لو يقتل كبار غبوني
وين ما نقول كفايا وما عاد نجر معاك في سهرايا
من يوماً رضيتي بالخراب معايا واخترتي اللي ماكان غالي دوني
عليك غير ماي ساعة عدد يا منايا ما هن سويا واجدات ديوني
وظلمك وجفاك مخلَََََََفات سوايا ساكنات جوا ضربهن دكنوني
وزولك هداك السمح كان تهايا وانتي ترتشاقي مشيتك فصعوني
تقول تشغلي في بهيب عنايا وانكان غمضت عيني حذاي تكوني
وين ما نقول نسيبك حتي مسخرا ما عاد نجيب سريبك
يجي اليل ويجيني منام يجيبك ونبقي عليك انق هذا لوني
ونذكر أيام زهاك وتشرهيبك وقول يا شقاهم من عليك نهوني
واليوم يا مرادي ما تقول طليبك ولا تقول عاهدتي غلاي تصوني
ولا تقول شاكيتي بما زاريبك كيف ما نجض بنار في مكنوني
طوعك الهم شوه صفاك وطيبك وما كنت نحسابك معاي تخوني


إقرأ المزيد... Résumé3efrit blogger

حديث بين الشاعر والقمر

حديث بين الشاعر والقمر
الشاعر:
يا بختك يا بدر الليـــــل..عندك صبـــح تغفي فيه
لانك شايل حمل ثقيـــل..ولا أنت معاني اللي معانيه
الخاطر من حرقة وهمــوم..وجفني اللــي ما غفّا يوم
ولا ذوقني طعم النــــوم..تقول مسـخّر نبــكي بيه
القمر:
ليش وايش أسباب عذابك..وايش اللـــــي خلاك تحير
فضفضلي وافتحلي كتابك..واطمـــــــن سرك في بير
ونا عالياس معاك سنـد..ضـاوي نـــوري خيـر وود
وقبلك ياما مــــالاحد..شكـولـي وكنـت بنصح وجيـه
الشاعر:
باهي نحكيلك شن صاير..واحـــكم منهـو اللي غلطـان
لقيت حبيبي غيري دايــر..معشوق وبــــاع اللي كان
نكرني وين المال أغـراه..تجاهل كــــــل أيام هـواه
وكافاني بظلمه وخطــاه..مش عـارف كيـف هنت عليـه
القمر:
اسمعني نعطيك نصيحــة..ودير اللــــي تلقاه صواب
قبلك ياما قلوب جريحــة..كـانوا بــود وشوق أحبـاب
ولكن رضيوا بالمــكتوب..القسميـــه ما منها هـروب
تباعد واصبر وانسي صوب..الخاطـــــي مولانا يـجازيه


إقرأ المزيد... Résumé3efrit blogger

قسمت روحــي

قسمت روحــي


قسمت روحـي بينهـم ما سدّت لاهمّ رضو لا الـروح ليّا ردت

وانا نغنــي ونضحكلهم والجرح ينزف منـي
وانقول غير يرضو الحبايب عني ننسى اوجـاعي كان بيا اشتـدت

تعب عالفاضي ولا تعرف الزعلان مللي راضي
نا اللي بقت روحي خبر في ماضي وانقول ياسبحان غير وين عدت

امقسم روحي ونجحد عليهم في اوجاع اجروحي
روحي خذوها وسيبونـي بروحي بلا روح عايش والايــام امتدت


إقرأ المزيد... Résumé3efrit blogger