الناس يرقدو في الليل وانا كني

الناس يرقدو في الليل وانا كني
لانوم جاني لاخبر طمني

ما نوم جاني لافي
ويش السبب غابوا علي اولافي
اللي قبل كانوا مركبي ومجدافي
علي باعدوا ماعد سالو عني

هانوا الغلاء باعوني
اللي قبل كانوا ينشدوا ويجوني؟؟؟
لو كان بيدي انشيلهم في عيوني
قبل الوطا متغير تزعل مني

النوم مالا داعي
ويكمل علي الليل وانا واعي
ايطول السهر وتزيد بي اوجاعي
ونا قبل عاشق صوبهم متهني

كنهم علي غابوا
وكيف الجليد في الشمس عني ذانو
وايش الدليل اللي عليا جابوا
ويصعب جوابي لكل من يسالني

مازلت غير انعاني
اولي قلب طيب هو اللي داعاني
وهذا اللي في خاطري خلاني
نبكي علي لولاف غصبآ عني

إقرأ المزيد... Résumé3efrit blogger

راني عليكم رامي

رانــــــــي عليكـــــــــم رامــــــــــــــــــي **** وجيتوا علي مـــع ميـــول ايًامـــــــي


**رامـــــي كــــــــذا فكـــــــًونـــــــــــي **** منشاب ناركم جـــــوًر علي مكنونـي


وانكان تكرهوا دنواي لاتبلونــــــــــــي **** راني امصدًر كل شـــي قسامــــــــــي


ارحم عظام جــدودكم قيلونــــــــــــــــي **** ايسد ما جرى مالوقت ضيق علامـي


عرفت فالغلاء معتاز راقــــد عونـــــي **** ذرًيت غيرما هبًن علي انسامــــــــي


بقلة نظاف وخير ماطلتونــــــــــــــــــي **** نين صفت واربيتوا علي عزامــــــي


واليوم كيف بانت في سيًبتونـــــــــــــي **** مريوح انتلجًى بين روس كمامـــــــي



***************
**رانــــــــــــــي عليك دخيلــــــــــــــه **** انريــــد غير منجاتــي بـكل وسيلــــه


وانكانكم سمحتوا ما نريد عزيلـــــــــه **** انكان قلـتًـا زايـــــد علـــي كلامـــــي


واللــــــي تكيدكم فالحمل كان ثقيلــــه **** دونكــم عليها هنذبوا خـــــــــدًامـــــي


رانا فزعكــــــــم يوم قـــل الحيلـــــــه **** وساعة مزاوات الرصـاص الحامـي


نهار كل حد يظهـــــر علي تاصيلـــــه **** وبين القبايل يفرقــن لاسامـــــــــــي


نهار فيه يسًمًـــى اللي من عيلـــــــه **** عدوًه ايجـي فـي عين جارح دامـــي


نهار التبع يكثر ويبـــــرد حيلـــــــــه **** ايكنًــــًز هنـاك ايهاب فيه اصدامـــي


وحتى انكنت فارس من عيان قبيلـه **** انعاف خوي كي نشكر اولاد عمامي


وعطيته لغيري ما انريد انشيلـــــــه **** مامن اللي بقًص عليه اوسامــــــي


ولانريد منكم شـــــــي غير القيلــــه **** واللى نوركم يقشع ارواق ظـلامــي



******************
**عليــــــــــــك رميًــــــــــــــــــــــه **** وما قلتلك ويش العــــداد عليـــــــًه


وما قلتلك نارك معاي قــــــــويًـــــه **** تعلًلى صناها في الكنين تسامــــــي


نحسابك اسا تسمر بها القضيـــه **** وسوقت رحيل غلاي من قدًامــــي


تفـــــــــرًع ايسوقن فيه روحانيـــــه **** همًيت للفزع ما طلت لم اخمامـي


وتطلق علي الياس كتًف ديًــــــــــــه **** نين كل شي سلًمت فيه الزامــــي


لوكان في جنابك برت داير سيًـــــــه **** القيت ما علي تقول يا دمًامــــــي


ونا وانت مانا عالغــــــلاء طرقيًــــه **** نين كل حد يبقى عليه ايمامــــــي

إقرأ المزيد... Résumé3efrit blogger

غيتي فيك مالها شي انغمه

غيتي فيك مالها شي انغمه

امغير اذنوب يا مكثر ذنوبي

غره اتمد وتروح ادعمه

عارفه عرف وانبات امغلوبي

نمسك صقر يصبح اجلمه

ونصاوب غير ما نفرح بصوبي

ونزرع ورد يطلعلي ارتمه

وندير اصحاب غير ما يعتنوبي

حيرني بخت كسره في اسهمه

رهدني نين طالني اكروبي

وقبل الكسر هو ميلود عمى

اندودش فيه جاي دوبه ودوبي

ما با يوم يجبر من اغشمه

فارقني لناس كانوا يحلفوبي

ايشنهو في فاضل نا ازعمه

امفيت عجاج من سافي جنوبي

لا تجريه عقلي في اوهمه

اصحى ف العدام اتعثري مركوبي

ايجنها أوقات تصبح ادغمه

من كثرة بخوري ايهيم بك مجدوبي

ويصبح كل مو باني اهدمه

ما صدقت عقلت امعطوبي

ورهين حباه ما فيها اطعمه

وبيدك راك جيتيهن دروبي

سريب القلب م الساعه الطمه

لا لك راب لا يريدك اتروبي

ونا ما في ظني ما اقسمه

القلب اثنين لا يلزم اهلوبي

الواشون خايف من اعشمه

وهو مازال ياكل من اجيوبي

اغويتي في ما ريتي اشلمه

ازهدتي في يا مكثر اعيوبي

ظلمتي ظلم ما والي اظلمه

كي انشدوك قلتي موش صوبي

إقرأ المزيد... Résumé3efrit blogger

داربي ارياف عديت بوعياد

داربي ارياف عديت

انريد صاحبي اللي نشتكيله 

انقول ساع نلقاه فالبيت

ثريتاامجبي رحيله

ومعا ارياف زعلان رديت

مالقيت صاحبي في عويله

تمقلت بالعين ماريت

حتي امواير قليله

اللي ابهم قبل عزيت 

نفسي او خذيتم عزيله

ماجبر خاطر القيت 

فيهم اولا فالقبيله

منين مالهم جيت وليت

وتخض في عبره حويله

للشاعر / صالح بوعياد

-->

إقرأ المزيد... Résumé3efrit blogger