سُبْحَانَ اللَّهِ وَبِحَمْدِهِ سُبْحَانَ اللَّه الْعَظِيم

مرات نحمل في احمول الزايله

مرات نحمل في احـمول الزايـــله ... ومرات حتى الجرد كايد فيـــه

ومرات نذهب في خيـــار القايــله ... ومرات حتى الليل نخبر فيــــه

ومرات ننسى في جـروحي العايله ... ونشقى بجرح رفيق وانداويه

ومرات تعجبنــي البعـيد فعـــــايله ... ومرات حتى خوي ننكر فيـه

ومرات نطرب والمدامع ســــايله ... ومرات يوم الفرح نبكي فيــه

ومرات اثقل ثقل نقـعد شــــــايله ... ومرات حمل الريش نغلب فيه

ومرات نقرب والموانع حـــــايله ... ومرات نبعد رغم شوقي ليــه

ومرات نسقي والجوابي فــاضيه ... ومرات نعطش والميه فيــــه

ومرات يحرمني الزمان جـــمايله ... ومرات يا لطيف نطغى بيـــه

ومرات نبعد ع الاحباب زمـــــان ... ومرات نرجع بالحنين رجوع

والعمر فاني والدعيه زايــــــله ... ومحال توصل كل شي تبيـــه