لا والنبي مانك هضاك الغالي
للشاعر ( بوبكر بوحويه )
لا والنبي مانك هضاك الغالي
متبدل عليـــا ياعيــــــون الفالــــــــــي
لا والنبي مانك الغالي لول
مو حال دايـــــم كـــل حـــال محـــــــــول
سبحانه اللي تميت نا نسول
عليك بغــــلايا وانــــــت ماترثالــــــــــي
قيسك نسيت ان اسمي المهول
حباس دمعتي والدمع عيني مالـي
اللي وين تجفاني الدار انحول
علي عراكن مقوي عـــزوم جمالــــي
لا والنبي مانك هضاك الغالي
متبدل عليـــــا ياعيـــــون الفالــــــــي
مانك اللي يشقابي
ويشطه غيابــــــــــي كـان طــــال غيابــــــــي
الايام غيرنك ملتفت لثيابي
ومكثر النشــــدة ع الظـــروف وحالــــي
حسيت من كلامك مو شوي عيابي
ونا نقولك مازلــت في منزالــي
مايغربك شيبي سنين شبابي
ولوية زمانـــي ويـــن مالتوالــــــــي
اللي نحسابه يثقل عليه حسابي
وحتى وهن ايديا والجيوب خوالي
لا والنبي مانك هضاك الغالي
متبدل علـــــيا يا عيـــــون الفالـــــي
مانك هضاك الوافي
بوقلــــــب ينبـــــض بالمحبـــة صافـــــــــــي
اللي قلتلي يسفو علي السافي
ولا نا معاك نروج من معدالـــــي
واليوم ليش يامول لنياب رهافي
ياعيون المسبق رضيت زعالــــي
وبقيتلي عدو ميدان مانك خافي
حتي ان كان ماتقدر عليه قتالـي
مازلت نا لول اسمي المكافي
مايطعمـــــك فيا شيــان خيالــــي
لا والنبي مانك هضاك الغالي
متبدل علــــيا يا عيـــون الفالـــــي
مانك صبي عيوني
متبدل عليـــــــــا فالزمـــــــــــان الدونـــــــي
انت منعرف بيا ونا عرفوني
عداي بيك والصاحب اللـــي يدنالــــي
مغير ليش ياغالي ظهرت عيوني
تزاين تريد مغير زين افعالــــــي
وين مالدنيا نقصت قانوني
وايام عونهـــــا ردن علـــــي قبالـــــي
تميت اتبرا من غلاي وشوني
لليأس بعتني بيعة الشي البالـــي
لايريد يرقد لاينسم عوني
بيك وبلاك والقاسمــــــــة تاتالــــــــي
واجدين قبلك للجدى خلوني
وجوفي بلاهم مااصبح خالــــــــي
مانك عزيز الداني
اللي نسيت في شانه اسمــــي ومكانــــي